Andam si Cebu Governor Gwendolyn Garcia nga moabag sa lalawigan sa Bohol alang sa pagpatuman sa kaugalingong Suroy-Suroy sa Bohol.

Kini subay sa tinguha ni Regional Developement Council (RDC)chaiman ug Bohol Governor Erico Aristotle Aumentado nga gusto usab niini nga suhiron ang maong programa aron mas molambo ang turismo sa Bohol.

“Thank you Gov. Aris. We are all too willing to support you if you need our support...kahibaw gyud na siya nalipay gyud ko ana,” matud ni Garcia sa mga tigbalita sa Disyembre 5, 2022.

Dugang ni Garcia nga na “flattered” siya sa tinguha ni Aumentado ilabi na nga giisip niya kining dako og ikatabang sa pag promote sa turismo ug kultura sa mga Sugbuanon.

“I want to thank my former colleague in Congress for taking the initiative to do his own Suroy-Suroy sa Bohol of course I feel so flattered is the word that he would also look at the program that has been so successful in promoting our towns and cities outside of the Metro Cebu area in promoting our tourism sites, our heritage sites and the culture of the Cebuanos,” dugang ni Garcia.

Subay niini, gipahibaw usab sa gobernador nga gikatakda nga molusad ang Kagamhanan sa nationwide Suroy-Suroy sa unang quarter sa 2023.

Sa Enero 2023 diin gitakda na ang ikaduhang hugna sa Suroy-Suroy Northern Escapade, gitinguha ni Garcia nga makita sa tanang regional directors sa Department of Tourism ang maanindot nga mga talan-awon sa amihanang Sugbo.

“Our Suroy-Suroy Northern Escapade Secretary Christina has directed all of her regional directors for the entire country to join so that they would be able to see exactly and immerse themselves in the Suroy-Suroy experience,” dason ni Garcia.

Ang Suroy-Suroy Sugbo nga programa sa Kapitolyo naumol aron pag promote sa turismo sa lalawigan aron mabanhaw ang ekonomiya sa Probinsya human naigo sa krisis gumikan sa pandemiya. (ANV)