Nahuman na lang ang pre-charge investigation sa tulo ka aktibong mga pulis nga nalambigit sa pagtulis ug pagpatay sa magtiayong Baringui-an niadtong Pebrero 13, 2022 sa lungsod sa San Fernando, ang ikaupat nilang kauban missing pa gihapon.

Si Police Brigadier General Elizalde Quiboyen, direktor sa Regional Internal Affairs Service (RIAS 7) nga nahinabi sa Superbalita Cebu, niingon nga si Police Master Sergeant Alvin Enad mao na lay wa pa makahatag sa iyang pamahayag.

Sila si Police Staff Sergeants Rene Abella Catamora, Junrey Papaya Ypil, Junrey Batobalonos, nakahatag na sa ilang pamahayag.

Ang pamahayag sa mga suspek gikinahanglan alang sa summary hearing, diin hukman kon taktakon ba ang mao nga mga pulis gikan sa serbisyo.

“Walay statement si Enad, siguro sa summary hearing na siya mohatag sa iyang statement,” matod ni Quiboyen.