NAKAPANGUTANA ang inahan ni Christine Lee Silawan nga si Lourdes Pardillo kun makab-ot ba kaha ang hustisya sa linuog nga kamatayon sa iyang anak.

Kini human nga ang nag-inusarang suspek sa pagpatay sa iyang anak nga usa usab ka menor de edad ang gibuhian na sa kustodiya sa City Social Welfare Office human sa mando sa Lapu-Lapu City Prosecutor’s Office sa rason nga ang pagdakop wala masulod sa gitawag og warrantless arrest.

Si Pardillo naguol sa maong kalamboan sa kaso ug gihulagway nga mihanap og balik ang hustisya sa iyang anak nga gilubong na niadtong Sabado, Marso 24.

Ang NBI 7 niduso na og motion for reconsideration sa prosecutor's office. (GCM)