KANHI trabahante sa Barangay Ermita, Dakbayan sa Sugbo nga manghinloay sa kanal sa kadalanan, apan nahunong og trabaho sukad sa quarantine, nadakpan sa buy-bust sa Martes sa hapon sa dan El Filibustirismo sa mao nga barangay.

Ang suspek giila ni IA1 Jessie Cabutotan sa Philippine Drug Enforcement Agency (PDEA)-Central Visayas nga si Loudgiechell Bacolpo, 25, nagpuyo sa mao nga barangay.

Si Bacolpo nakuhaan og 5 gramos nga shabu nga balor og P350,000 base sa Dangerous Drugs Board (DDB) value.

Matod ni Cabutotan nga usa ka semana nilang gipanid-an si Bacolpo.

Apan ang suspek nihimakak, kay usa pa lang kadto niyang hatod og shabu bugti sa P500 nga suhol. (BBT)