KAPIN sa 500 ka mga pulis sa Central Visayas na promote sa ilang ranggo nga gidungan sa pagpanumpa atubangan sa hepe sa Police Regional Office 7 usa niini ang information officer sa Cebu City Police Office nga si Police Lieutenant Colonel Clark Arriola.

Gidungan sa pagpanumpa ang 553 ka mga police officer ug non commission officers nga na-promote sa ilang ranggo atubangan mismo ni Police Brigadier General Valeriano de Leon.

Unom niini nagranggo nag police major nga misaka na ngadto sa police lieutenant colonel, siyam ang Police Major, 10 ang Police Captain samtang pito ang Police lieutenants.

Sa dul-an usa ka libo ka mga personnel nga na-promote sa tibuok nasud 70 porsento niini sa Central Visayas.

Sa mensahe ni Police Brigadier General de Leon iyang gi pahimangnoan ang maong mga bag-ong na promote nga mga police nga adunay nag tangag nga dakong responsibilidad ang ilang pagsaka sa ranggo.

“Your new ranks symbolizes greater glory and greater challenges and as you exercise your responsibilities on a higher capacity, you’re look upon by your leadership confidence behavioral discipline and organizational effectiveness not only to measure up to the challenging expectation of our organization," matod ni de Leon.

Usa sa na promote mao ang information officer sa Cebu City Police Office nga kaniadtong police major apan karon Police Lieutenant Colonel Clark Arriola.

Dakong kalipay ang iyang gibati human sa upat ka tuig iya nang naangkon ang Lt. Colonel nga ranggo.

Lakip sa na promote ngadto sa pagka lite colonel ang hepe sa operation branch nga si Police Lieutenant Colonel Allan Rosario.

Si Police Lieutenant Colonel Niño Briones sa Criminal Investigation and Detection Group 7 wala usay kabutangan sa iyang kalipay nga natubag ang iyang pangandoy nga mosaka ang iyang ranggo gikan sa police major.

Tungod sa pagsaka sa ilang mga ranggo aduna unyay mga personnel nga ma assign sa laing lugar sama nalang niadtong mga police commission officers matod ni General de Leon. (AYB)