KAPIN sa P1.8 milyones nga balor sa shabu nasakmit sa kapulisan sa mga dakbayan sa Sugbo ug Talisay atol sa gilusad nga buwag nga mga anti illegal drug operation.

Lunes pasado alas 10 sa gabii, Marso 21, sa Barangay Lawaan 3, dakbayan sa Talisay, duha ang nadakpan sa buy-bust.

Si Police Lieutenant Colonel Randy Caballes, hepe sa Talisay City Police Station, niila sa nadakpan nga si Charlou Ramas, 26, lumad nga taga Sityo Greenfield, Barangay Inayawan, Dakbayan sa Sugbo, apan nibalhin pagpuyo sa balay sa iyang kapuyo sa Barangay Lawaan 3, Dakbayan sa Talisay.

Lakip nga nadakpan ang iyang kauban nga si Sammy Malazarte, 37, taga Sityo Paglaum, Barangay Bulacao, dakbayan sa Talisay.

Nasakmit gikan sa duha ang gituohang shabu nga mobalor og kapin sa P300,000 subay sa street drug price (SDP).

Sa laing buy-bust sa Martes sa hapon, Marso 22, sa dan F.Llamas, Barangay Punta Princesa, Siyudad sa Sugbo, ang team ni Police Captain Joffre Grande sa Regional Police Drug Enforcement Unit (RPDEU-7), nisikop kang Dave Eucaliga, 30, nagpuyo sa nahisgutang dapit.

Si Eucalaga kanhi production staff sa usa ka food chain.