SA kasamtangang contractor gihapon sa Bohol-Panglao International Airport i-award ang kontrata alang sa himuong dugang trabahuon sa bag-ong tugpahanan, sumala sa usa ka opisyal sa Department of Transportation.

“Kung hindi po siya incumbent contractor, mag-bibidding pa po tayo, so, it will take time,” pasabot ni Engr. Edgardo Mangalili, project manager sa Panglao airport sa DOTr.

Matod niya, moabot og usa ka tuig ang paghuman sa additional works, apan kon sa laing contractor, mas madugay pa kini.

Atubangan sa mga sakop sa Regional Development Council (RDC) 7, si Mangalili nipasabot nga kon sa laing contractor i-award ang kontrata alang sa additional works mag-mobilize pa kini sa mga ekipo ug dili usab mahibaw-an kon kumpleto ba kini sa gikinahanglan nga kagamitan. (SCG)