NASIKOP sa City Intelligence Unit sa Cebu City Police Office nga gipangulohan ni Police Lieutenant Colonel Randy Caballes ang ex-convict ug ang iyang live-in partner sa buy-bust, alas 4:40 sa kaadlawon, Biyernes, Enero 22, 2021, sa Barangay Lahug, siyudad sa Sugbo.

Ang mga nadakpan giila nga si Walter Navaja Villa alyas Kigwa, 47, ug si Cherry May Talon Casicas, pulos taga Purok 5, Barangay Kamputhaw, Dakbayan sa Sugbo.

Nakuha gikan kanila ang 15 gramos nga shabu nga mobalor og P102,000 lakip sa nakuha ang usa ka kalibre 45 magazine ug mga bala niini.

Nobiyembre 2020 nakagawas sa Cebu City Jail si Kigwa ug nibalik sa ilegal nga kalihokan. (AYB)