MOABOT ngadto sa 12.09 porsiyento ang pag-ubos sa kriminalidad sa Northern Mindanao.

Kini ang gibutyag ni Police Lieutenant Colonel Mardy Hortillosa kinsa bag-ong tigpamaba sa Police Regional Office (PRO)-Northern Mindanao.

Gibutyag niini sa SunStar Superbalita nga kung itandi niaging tuig ug karon, gikan sa bulan sa Enero ngadto Hunyo 12.09 porsiyento ang pag-ubos niini.

Pinakadako og tabang ang padayon nga kampanya batok sa ginadili nga druga, kon asa gitouhan ni Hortillosa nga pipila sa mga nadakpan nga gapositibo sa pagamit sa druga adunay mga kriminalidad nga gahimoun sama sa pagpangawat, tulis ug uban pa.

Lakip sa nakatabang ang police visibility ug mga check points tungod nababagan na daan ang mga dautang plano sa dautang mga elemento.

Sa kamandoan ni Presidente Rodrigo Duterte atol sa bag-ohay lang niya nga State Of the Nation Address gibutyag niini nga ipadayon sa kapolisan ang giyera kontra druga.

Epektibo nga ila kining padayunon dinhi sa rehiyon tungod kay pangandoy sa pamunoan ni Police Beigadier General Rafael Santiago Jr. nga drug free ang rehiyon.