GITUDLO ni Presidente Rodrigo Duterte si Mayor Edgardo Labella isip pangulo sa Regional Peace and Order Council sa Central Visayas.

Ang pagkatudo ni Labella isip chairperson sa RPOC maoy iyang ikadugang bug-at nga trabaho gawas sa iyang pagka-amahan sa Dakbayan sa Sugbo human siya napili nga chairman sa League of Cities in the Philippines.

“By virtue of the authority vested in me as chairperson of the National Peach and Order Council pursuant to the provisions of Executive Order No. 773, series of 2009, Mayor Edgardo Labella, City of Cebu is hereby appointed as chairperson of the Regional Peace and Order Counci in Region VII,” matod sa tipik sa appointment ni Labella nga gipirmahan ni Duterte ug Interior Secretary Eduardo Año.

Giangkon sa mayor, kinsa maoy hulip ni kanhi gobernador ug karon Bise Gobernador Hilario Davide III, nga dugang tahas kini alang kaniya isip first termer mayor.

Apan iyang gidawat ang dakong hagit para iyang matabangan ang Presidente pagkab-ot sa iyang programa.

“I thanked and I’m honored. At the same time I am humbled because I am given this opportunity to be of service and be able to implement this no-nonsense fight against criminality for the sake of our country and people,” padayag ni Labella. (PAC)