GIPAHIMANGNOAN ni Cebu City Mayor Edgardo Labella ang mga tawo nga magpakatap sa social media og di mao nga impormasyon.

Kini human nikatap niadtong Hunyo 12, 2020 ang Resolution No. 35 sa Inter-Agency Task Force for the Management of Emerging Infectious Diseases nga nakahimo og kalibog sa publiko.

“They will be brought to the bar of justice,” matod ni Labella.

Matod ni Labella nga ang pagpakatap og di mao nga impormasyon kalapasan sa Bayanihan To Heal As One Act.

Ang IATF Resolution No. 35, nga gipagawas niadtong Mayo 11, nagpakita sa klasipikasyon sa Cebu City ubos sa modified enhanced community quarantine.

Gihulagway ni Labella nga “fake news” tungod kay karaan na ang maong resolusyon ug gipagawas niadtong Mayo.

“I think there are peope who would like to embarass us,” segun ni Labella.

Di nalang una ipapangita ni Labella kon kinsay nagpakatap sa karaan nga impormasyon, pero iyang giwarningan ang publiko nga likayan ang pagpakatap og “fake news.”

Sa Facebook post sa Cebu City Public Information Office (PIO), giklaro sa PIO nga ang IATF Resolution No. 35 di na ma-apply karon.

“This is malicious misinformation. IATF Resolution No. 35 is dated May 11, 2020 was issued more than a month already and is no longer applicable or relevant today,” matod sa PIO.

Niadtong pagbisita ni Secretary Carlito Galvez, chief implementer sa IATF, niatong Hunyo 11, ingun siya wala pa naka-meeting ang IATF mahitungod sa klasipikasyon sa Cebu City human sa Hunyo 15.

Matod ni Galvez nga sa Lunes, Hunyo 15, pa mahibaw-an ang desisyon sa IATF. (JJL)