ANG Office of the Presidential Assistant for the Visayas (OPAV) nakig-alayon karon sa national line agencies sa Central Visayas sa paghiusa sa Project Balik Buhay (PBB) sa health ug safety protocols nga gipatuman sa trabahoan ug industriya.

Si OPAV Assistant Secretary Anthony Gerard ‘Jonji’ Gonzales nihimo sa maong sugyot atol sa usa ka virtual discussion uban sa regional officials gikan sa Department of Labor and Employment (Dole), Department of Trade and Industry (DTI), Department of Health (DOH) ug Department of Tourism (DOT).

Ang webinar Straight Talk on COVID Health Protocols, giorganisar sa DTI-7 ug ang host mao si Asec. Gonzales, diin nakasentro sa health ug safety protocol nga gimando sa kagamhanan alang sa business establishments ug industries.

“The PBB is following the DTI-DOLE guidelines when it comes to the protocols, (and) gets technical guidance from DOH. It would be good if we sit down so that we’ll be able to cascade the setting up of these health protocols in workplaces and ensure their full compliance,” matod ni Gonzales.

Ang PBB usa ka inisyatiba sa OPAV, local government units, national government agencies ug nagkalainlaing business organizations sa Sugbo.

Si DOLE-7 regional director Salome Siaton nisaad sa pag-apil sa PBB sa post-Covid health guidelines sa trabahoan.

“In the end, our goal is to make workplaces safe and healthy. And our common denominator is so we can entice more tourists to our region. We need to have the safety protocols in place. So, if they come, they should feel safe. More tourists..” matod ni Siaton. (PR)