Sa ikalima nga sunodsunod nga semana, gitakdang mous-os na usab ang presyo sa lana karong adlawa, Oktubre 4, 2022.

Sa advisory, gipahibawo sa Pilipinas Shell, Caltex, Seaoil, PetroGazz ug Cleanfuel ang rollback sa presyo nga P.40 matag litro sa diesel ug P.45 matag litro sa gasolina.

Ang Pilipinas Shell, Caltex ug Seaoil niingon nga mous-os usab ang presyo sa kerosene og P.85 matag litro.

Ang PetroGazz, Pilipinas Shell ug Seaoil mopatuman sa price adjustment sa alas 6 sa buntag sa Martes ug alas 12:01 sa udto alang sa Caltex ug Clean Fuel. / SunStar Philippines