LALAKE nga nagmotorsiklo niambak sa viaduct sa Cebu South Coastal Road sa may Barangay Pasil, Dakbayan sa Sugbo, Lunes hapon, Nobiyembre 4.

Matod ni San Nicolas Police Station chief, Police Major Kenneth Paul Albotra nga ilang nadawat ang kasayuran pasado alas 4 sa hapon.

Dunay nahabiling id sa motor nga may ngan nga Junie Egason. Matod ni Albortra nga ang maong lalake sakay sa iyang motorsiklo, nihunong ug nikanaug pag-abot sa viaduct ug kalit nga niambak.

Ang mga sakop sa Philippine Coast Guard (PCG) ug Cebu City Disaster Risk Reduction and Management Office nga nangita nakaplag sa patay nga lawas sa lalake sa Lunes sa gabii. (BBT)