USA ka Korean national nga kanhi trabahante sa casino ang napalgan nalang nga patay na sud sa iyang condo sa Tres Borces barangay Mabolo sa syudad sa Sugbo, Biyernes, Pebrero 8.

Ang biktima giila nga si Jong Yuong So, 40 minyo nga kasamtangan nga nag abang sa room 1812 sa ika 18 nga andana sa maong condominium.

Matod ni SPO1 Winston Ybañez imbestigador sa Cebu City Police Office nga ilang nadawat ang alarma alas 9:15 sa buntag ug ilang naabtan ang biktima nga nag bitay na sa sulod sa iyang kwarto gamit ang pisi nga gihigot sa iyang liog.

Giingong mi text kini sa iyang higala nga magpakamatay siya apan ila pa kining ipaubos sa imbestigayon kung wala bay foul play sa iyang kamatayon.