KAPIN sa 200 ka mga bisaya nga iro, lakip na mga mixed breed nga mga iro ang naka-benipisyo sa mga libreng’ serbisyo gikan sa Department of Veterinary Medicines and Fisheries (DVMF) sa syudad sa Sugbo sa ilang pagpahigayon sa ‘Asong Pinoy Day’.

Libreng anti-rabies nga bakuna, deworming, paghatag sa mga multi-vitamin supplement, pakaaon ug mga palingaw alang sa mga iro ang gidalit alang sa tanang mga iro sa Syudad sa Sugbo.

Kinsa gituyo sa pagdala sa ilang mga pet owners diha sa Plaza Sugbo atubangan sa Cebu City Hall, tibuok adlaw sa Dominggo, Hunyo 23.

Usa sa ni-avail sa maong serbisyo, kining 18-anyos nga si Erica Navazca, nitug-an nga sukad sa bata pa siya usa na siya ka pet lover. Nagkadaiya na man ang nahimo niya nga pet, apan ang iro, ang laing suod.

Ang duha ka tuig pa lang nga gitawag niya nga si ‘Ldartagnan’ ang gipakasama na niya nga 'baby' ug best friend.

Ang iyang laing duha ka magulang ang aduna usab ilang kaugalingong mga gipangga nga mga iro.

“Kay cozy man sila nga pet, whenever you need someone, they’re here for you 24/7, if naa ka problems, makapawa siya, somehow..,” saysay ni Erica sa Superbalita Cebu.

Ang Asong Pinoy Day, ika-11 na ka tuig nga gihimo sa DVMF sa dakbayan sa Sugbo, matag bulan sa Hunyo, nga mao ang Regional Rabies-awareness month. (FMD)