KANHI Gobernador Rafael Coscolluela, provincial chair sa Robredo People’s Council (RPC) - Negros Occidental, nangayo og pasaylo ngadto sa presidential aspirant ug kanhi senator Ferdinand ‘Bongbong’ Marcos Jr. (BBM) niadtong Biyernes, Pebrero 25.

Ang pamahayag ni Coscolluela gihimo human sa duha ka adlaw nga ‘paglawgaw’ sa mga dumapig ni Bise Presidente Leni Robredo, kandidato sa pagka presidente, sa cavaran ni Marcos nga niagi sa dakbayan sa Talisay niadtong Miyerkules, Pebrero 23, pinaagi sa pagpakusog sa ilang sound system aron motambong sa pakigpulong sa naulahi.

“Much as I wanted to fully investigate the circumstances, my hectic schedule prevented me from meeting all the individuals who were either involved or were witnesses to the said incident, and to thereafter issue a public statement regarding the same,” matod ni Coscolluela sa iyang Facebook post.

Gipasabot niya nga ang RPC-Negros Occidental Chapter kanunay nagpahimangno sa ilang mga boluntaryo sa pag-obserbar sa insaktong pamatasan panahon sa kampanya.

Samtang si Negros Occidental Vice Governor Jeffrey Ferrer, hugot nga dumadapig ni Marcos ug nakasaksi sa pagpanglawgaw, nagkanayon nga dili sila motukbang sa kaubos nga lebel sa maong pamatasan ug momintinar sa taas nga kalidad sa pagpangampanya.

Si Coscolluela niangkon nga grabe ang emosyon sa mga dumadapig nga niresulta sa panagbangga nga nakapasakit sa ubang partido.

Dunay screenshots nga na-post nga nagpakita sa dumadapig ni Robredo nga nilabay og campaign fliers ngadto sa nawong ni Marcos atol sa caravan nga niani og daghang pagsaway ug gisaw-an sa social media.

Nidepensa pa ang babaye nga naghimo niini sa iyang Facebook post nga katungod niya ang pagsabasaba dihang gibuyag sa body guard ni Marcos.

“This act of violence caused the fliers held up by one of the dissenters to fly towards BBM hitting his face. I say he deserves it,” sumala sa iyang social media account.

Apan si Coscolluela nipasabot nga wala sila nag-aghat sa maong pamatasan o motugot niini.

“Certainly, it would never have been allowed if our blessings had been sought (and) I urge everyone to refrain from (doing) such actions for the duration of the campaign,” matod niya.

Sa iyang bahin, si Talisay City Mayor Nilo Jesus “Neil” Lizares III niingon nga ang nahitabo dili maayo ug dili insakto nga pamatasan sa mga dumadapig.

“The rude behavior will never be acceptable (and that) the city of Talisay will not tolerate this,” matod ni Lizares, kinsa nisaad nga mohimo og imbestigasyon.

Matod niya nga ilang gigiyahan nga han-ay ang dagan sa caravan ug wala silay kontrol sa pamatasan sa ubang tawo.

Dugang ni Lizares ang Negrenses nasayod nga ang Talisaynons mahigugmaon sa kalinaw taliwala sa managlahing gidapigan nga partido sa pulitika.

“We should exercise our right to choose responsibly,” dason niya. (SunStar Bacolod)