USA ka lineman sa usa ka communication provider ang nakuryentehan sa dihang nikatkat kini sa poste sa may dan M.L Quezon, Barangay Casuntingan, Mandaue City duol sa Gaisano Grandmall alas dos y medya sa hapon, adlawng Sabado, Disyembre 5, 2020.

Sa pakighinabi sa Superbalita Cebu ni Felix Suico Jr., ang pangu sa operations sa Mandaue City Disaster Risk Reduction Management Office ug usa sab sa miresponde sa lugar, miingon siya nga buhi pa ang maong lineman.

Apan, tungod sa electric shock, nagisi ang ilok niini.

Daling gidala ang maong lineman sa Chong Hua Mandaue.

Karong orasa nagkuha pa ang Superbalita Cebu sa pangalan sa maong biktima. (KFD)