USA ka 81 anyos nga lalaki gidakop sa mga tanod sa Barangay Labangon, Cebu City human mamusil sa iyang silingan nga babaye nga iya untang ikaghilawas.

Nahitabo kini ala una sa buntag kaganiha, Enero 28, sa Sitio Upper Bonbonan, Labangon.

Ang suspek giila nga si Generoso Cabrera nga nagpuyo ra usab sa maong lugar.

Nangita si Generoso Cabrera, 81, ni Maria Theresa Abas, 25, usa ka dalaga, aron paninglon sa iyang kwarta nga nawala.

Gitumbok ni Cabrera si Abas nga maoy nagkuha.

Nagsabot silang Cabrera ug Abas nga maghilawas apan sa dihang naghinolhinol na sa tiguwang, gihinol sab ni Abas matod pa ang iyang bulsa nga didto ang iyang P5,000.

Sa dihang gihimakak ni Abas nga wala siya masayod sa gipangsulti, gipusil siya ni Cabrera tumong sa walang bukton.

Mikaratil og dagan si Abas paingon sa ilang balay apan si Cabrera misunod sa dalaga aron tiwasan.

Maayo nalang napugngan si Cabrera sa igsuong babaye ni Abas.

Misibat si Cabrera apan nadakpan sa mga tanod. Si Abas gidala sa ospital ug luwas ra.