PIPILA ka adlaw sa wa pa mapaubos ang dakbayan sa Sugbo sa general community quarantine (GCQ), gibuksan na sa Land Tansportation Office (LTO) 7 ang duha ka buhatan niini sa Cebu City.

Hulyo 29, gibuksan na og balik ang Cebu City Mega Licensing Center sa SM Seaside City. Hulyo 27, gibuksan na usab pagbalik ang Cebu City District Office sa N. Bacalso Avenue.

Matod ni LTO 7 Regional Director Victor Caindec nga balik na ang tanang serbisyo sa maong mga buhatan apan limitado ang kapasidad niini.

“Per seating, time, and motion, no more than 80 per day. But prior to lockdown the offices have been able to serve more than 150 on good days,” si Caindec nagkanayon.

Parehong maka-accommodate og 150 matag adlaw ang parehong buhatan apan tungod sa health protocol nga gipatuman, mas minus kini.

Dungan sa pagbukas sa Cebu City District Office, gibuksan usab niadtong Lunes ang Toledo City District Office Licensing Extension (Balamban).

Subay niining balik operasyon na ang kasagaran sa buhatan sa LTO 7, gilusad usab sa LTO 7 ang Certificate of Registration (CR) Textline alang sa mga nanag-iya og motor nga wala pa ang ilang CR.

“We get about 200 texts daily. The process involves a manual query in the LTO database to determine if the record exists or not. Then if it exists, we guide them through the process. Since it requires a legal document, naa diha ma delay. We won’t move forward if they don’t execute an affidavit. This is essential to establish the legality of what we are doing,” si Caindec nagkanayon.

Sagad sa mga nag-inquire wala mosumiter og affidavit nga maoy gikinahanglan nga dokumento aron maisyuhan kini og CR.

“To prove things if they are indeed who they say they are, if true nga sila gyud ang nipalit, diin, etc. Otherwise someone can say he owns the motorcycle. Dako na nga problema if he gets a CR copy and he wasn’t the real owner,” matod niya.

Alang sa kasayon sa mga nagkinahanglan, istoryahon ni Caindec si Atty. Regal Oliva sa Integrated Bar of the Philippnes (IBP) Cebu City aron matabangan ang nanag-iya og motor nga makakuha og affidavit nga libre. (HBL gikan sa PR)