MGA produkto sa lubi ug mga allied products sa Soccsksargen Region iyagyag sa Treasures of Region 12 Trade Fair sa Makati City.

Ang regional fair magsugod sa Disyembre 6 hangtud Disyembre 9 sa Glorietta Mall 2, Ayala Center, Makati.

Kini adunay tema nga "The Future is Local" nga langkuban sa 25 ka pagkaon ug 10 ka non-food micro small and medium enterprises (MSMEs) inabagan sa Department of Trade and Industry (DTI)-Soccsksargen ubos sa Industry Cluster Enhancement Program - Coconut Cluster.

Lakip sa mga ihikyad dinhi mao ang mga food products, wearable ug homestyle items nga ginama gikan sa lubi ug uban pang produkto sa local coconut producers, processors, ug coconut-supporting entrepreneurs sa -Soccsksargen.

Target sa DTI-Soccsksargen nga makamugna og P10 milyones nga halin sa maong trade fair.