HUMAN sa sunodsunod nga mga kaso sa pagpamusil sa Metro Cebu sayo ning semanaha, mas gipahugtan karon sa kagamhanan sa dakbayan sa Mandaue ang seguridad sa City Hall ug mga buhatan niini.

Sa gipirmahan nga memorandum ni City Administrator Atty. Danilo Almendras, iyang gitahasan ang mga pangulo sa nagkadaiyang departamento sa City Hall nga i-review ang mga security plan niini.

“It is imperative that each department or office shall review its security plan, and adopt measures to strengthen security protocols,” ni Almendras sa iyang memorandum niadtong Miyerkules.

Dugang niya nga kinahanglang magmabinantayon sa palibot ang mga kawani sa posibleng hulga unya nga moabot. (JPP)