USA ka 36-anyos nga mangingihaw sa Minglanilla ang gidunggab-patay sa iyang kaubang mangingihaw sa New Public Market, Poblacion, Barangay Ward 1, lungsod sa Minglanilla, Sabado sa buntag, Agusto 24.

Si Jeonard Laureto namatay human gidunggab sa tiyan ni Primitivo Amaque, 34, laing mangingihaw.

Si Amaque gikatado nga wala mosibat human sa hitabo ug nagpaabot sa kapulisannga moabot.

Si Police Master Sergeant Junyl Ater sa Minglanilla Police Station, niingon nga grabeng personal nga kasuko posibling motibo sa hitabo. (WBS)