Manikyurista gipusil patay samtang natulog sulod sa ilang balay alas 9 sa buntag sa Huwebes, Hunyo 17, 2021 sa Sitio Pungtod, Mambaling, Dakbayan sa Sugbo.

Si Josephine Manilag Rollon, 38, dunay kapuyo, kanhi nabilango sa kaso sa illegal nga drugas, namatay diha-diha human pusila sa makatulo sa mamumuno nga naka bonnet og itom, nag-jacket og itom, helmet og itom ug naglakaw lang human sa kremin.

Nag-ubo na sa sawog si Rollon ug naligo sa sugo dihang naabtan sa inahan sa iyang kapuyo ug menor de edad nga mga anak.

Si Lucy delos Santos, 68, nga nahinabi sa Superbalita Cebu, nibutyag nga naglimpyo siya sa isda sayo sa buntag dihang usa ka lalakeng wa mailhi nagbarogbarog gawas sa balay.

Nangutana kaniya kon duna bay ug iyang gitubag nga sa pikas habig.

Ang biktima diha sa iyang duol natulog sa katre niadtong higayuna.

Matod ni delos Santos nga ang 15 anyos nga anak babaye ni Rollon iyang gitawag kay papalitog asin.

Wa magdugay kalit nga nisulod ang gunman dayon misunod ang tulo ka mga sipang buto sa armas.

“Gisampungan nako akong dunggan kay kusog kaayo ang buto-buto. Mao to mibalik ko sa sulod nasugatan nako ang suspetsado. Iyaha ko gitiunan nga “apil ka? Apil ka? Hsta pud akong bana,” dugang ni delos Santos.

Wa siya nakaklaro sa gunman kay mata ra ang maklaro tungod sa gipangsul-ob niini.

Wa na sab siya masayod asa nipadulong ang gunman nga naglakaw ra human sa kremin.

Si delos Santos nibutyag nga ang iyang anak nga kapuyo ni Rollon toa sab sa Cebu City Jail tungod sa drugas.

NAPRISO