HINGPIT nang gihulipan sa katungdanan karon adlawa ang hepe sa Cebu Police Provincial Office nga si Police Colonel Manuel Abrugena.

Ang mo hulip kaniya mao si Police Colonel Roderick Mariano nga gikan sa National Capital Region Police Office.

Ang turn over ceremonies gi tambungan mismo sa hepe sa Police Regional Office Police Brigadier General Debold Sinas.

Matod ni Col. Mariano nga una niya kining tamak sa Sugbo ug iyang gipasalig nga tumanon ang mga programa ni President Rodrigo Duterte ilabi na sa kampanya batok sa illegal nga drugas.

Team work ang iyang awhag sa mga personnel sa CPPO ug nag awhag usab siya sa publiko nga abagan sila sa ilang kampanya mao ang pag puhag sa illegal nga drugas ug tanang matang sa krimen sa probinsya sa Sugbo. (Arnold Bustamante)