ANG Maybank, unang banko sa Pilipinas nga nagtanyag sa online banking, nilusad og promo nga ‘iSave. iShop. iFly’ nga maghimo sa savings deposit ngadto sa lingaw nga kasinatian.

Sa matag P10 mil nga deposito, awtomatik nga dunay usa ka tampo alang sa electronic raffle. Apan limitado lang hangtod sa P100,000 nga deposito o may katugbang 10 ka tampo sa raffle.

Ang promusyon nagsugod niadtong Pebrero 1 ug motapos sa Hulyo 31, 2019.

Unsay posible nga madaug?

Dili mominos P300K shopping spree ug P1 milyon nga travel package sa Estados Unidos o dapit nga gustong adtuon sa mananaug.

Dunay tulo ka preliminary draws ug matag draw dunay makadaug og P300K shopping spree, P200K, P100K ug dunay usa nga modaug og P1 million grand prize US trip.

Ang premyo tax free apan dili pwede ma-convert sa cash ug dili usab mabalhin sa laing ngalan.

Ang online savings deposit sa Maybank komportable ug sayon lang buhaton pinaagi sa pag-upload sa app sa cellphone. Walay initial deposit ug walay maintaining balance.

Apan alang sa promusyon, kinahanglan nga dunay dili moubos sa P10 mil nga sulod sa bank account.

Si Vincent Dexter Go, Head sa Vitual Banking sa Maybank, nipasabot nga “Opening an iSave savings account in the Maybank2U PH app makes it easier for every Filipino top get a bank account.”

Ang iSave usa ka online savings account maka-apply pinaagi sa Maybank2U PH App.

Ang kliyente makakuha og 0.25 percent interest per annum sa P20 mil nga balanse sa account.

Ug makahimo sa walay hasol o regular bank transactions sa Malaysia, Singapore ug Cambodia.

Sa Sugbo, ang Maybank dunay upat ka mga sangang banko. (RRM)