HUMAN sa nahitabo nga pagpang-harass sa mga volunteer sa Metropolitan Cebu Water District (MCWD) sa pagrasyon og tubig sa mga apektado nga konsumidor niini.

Mohangyo na ang water utility sa kapulisan, barangay tanod, ug sa mga opisyal sa matag sitio nga tabangan sila niini nga dili magkagubot.

Ang tigpamaba sa MCWD Charmaine-Rodriguez-Kara nibutyag sa Superbalita Cebu nga mangayo na sila’g tabang sa kapulisan aron makuyogan ang mga volunteer sa paghatod sa mga tubig.

Kini aron masiguro nga wala’y volunteer nga i-harass o hulgaon sa katawhan.

Dugang ni Kara nga sagad nga motumaw ang hulga tungod kay gusto sa mga tawo nga pun-on ang ilahang container o kaha sila ang makauna apan gipasabot niini nga ang konsepto sa rasyon mao nga mahatagan og tubig ang tanan.

Tungod kay nagkaduol naman ang piniliay ug kasagaran busy pa, human sa eleksyon na nila kini gusto nga ipatuman. (HBL)