Ang Metropolitan Cebu Water District (MCWD) nisulod og mga kontrata alang sa desalinated bulk water supply sa Mandaue City ug Lapu-Lapu City sa tinguha niini nga mangita og bag-ong tinubdan sa mainom nga tubig aron mamenosan ang gintang tali sa supply ug panginahanglan sa franchise area niini.

Niadtong Miyerkules, Disyembre 28, 2022, ang MCWD nipirma og 25 ka tuig nga desalinated bulk water supply contract tali sa Pilipinas Water Resources Inc. (PWRI) ug 8990 Housing Development Corp. Joint Venture (JV) alang sa paghatod sa tubig sa presyo nga P73 .86 kada metro kubiko, matod sa water district sa ilang pamahayag.

“The total contract price for the 25 years is more than P20.7 billion,” matod ni Minerva Gerodias, MCWD information officer, sa SunStar Cebu sa Huwebes.

Ang desalination project sa joint venture anaa sa Barangay Opao, Mandaue City.

Ang JV adunay walo ka bulan gikan sa pagkadawat sa Notice to Proceed sa paghimo sa ilang unang paghatod sa tubig.

Gikontrata kini nga maghatud og 10,000 cubic meters nga tubig kada adlaw sa unang tuig, ug unya 25,000 cubic meters kada adlaw alang sa nahabilin nga 24 ka tuig sa kontrata.

“This is one happy beginning of a much-awaited project with our longtime partner, MCWD,” matod ni PWRI president Victoria de la Peña sa usa ka pamahayag.

Nipirma usab ang MCWD niadtong Miyerkules og lima ka tuig nga kontrata tali sa Mactan Rock Industries Inc. alang sa naulahi nga maka-supply og 5,000 cubic meters matag adlaw sa desalinated water sa P73 matag cubic meter.

“The total contract price for the five years is P666.8 million,” matod ni Gerodias.

Ang Mactan Rock adunay unom ka buwan gikan sa pagkadawat sa Notice to Proceed aron masugdan ang paghatod sa iyang commitment volume sa tubig gikan sa desalination plant niini sa Lapu-Lapu City.

Ang injection point duol sa Mactan Economic Zone 1 Gate 3 sa M.L. Quezon National Highway. Kini nga suplay sa tubig gituyo aron matubag ang mga panginahanglan sa dakbayan sa Lapu-Lapu, ilabi na sa mga dapit nga paingon sa Barangay Punta Engaño, matod sa MCWD.

“I am happy to help to alleviate the shortage of water in Mactan,” matod ni Mactan Rock chief executive officer ug chairman Lito Maderazo. “I am hoping to continue serving MCWD and the business community, especially the economic zone.”

Ang MCWD niingon nga ang duha ka mga kompaniya nakakuha sa ilang kontrata sa suplay sa tubig human niagi sa competitive bidding. (JKV, CTL)