GIBANA-BANA nga sa Miyerkules, Oktubre 28 o sa Huwebes, October 29 mosulod sa Philippine Area of Responsibility (PAR) ang low pressure area nga nahimo nang tropical depression.

Pasabot ni Jhomer Eclarino, weather specialist sa Weather Station Mactan, nga kini maoy hinungdan sa nasinateng pag-uwan-uwan, kusog nga hangin ug kilat.

Gibana-bana nga ang maong tropical depression nag-irog sa paingon sa Bicol region, Eastern Visayas.

Pipila ka bahin sa Metro Cebu Area ang nakasinate og bati nga dagan sa panahon ug hayan hangtod na sa unang adlawng Nobiyembre.

Gitambagan sab kadtong mga nanimuyo sa gihulagway nga danger zone nga magmatngon sa posibleng flashflood o landslides nga motumaw.