Special Investigation Task Group (SITG) Quiros nga giumol sa Lapu-Lapu City Police Office (LCPO) niadtong Mayo 11, 2022 aron pagsusi sa pagpatay sa usa ka barangay konsehal sa Tungasan, isla sa Olango niadtong gabii sa Mayo 8 namahayag nga mga CCTV nga makagiya unta nila sa imbestigasiyon pulos guba.

Ang CCTV ila untang gilauman nga magpakita sa mga killer nga nipusil kang Jose “Sadam” Quiros, kinsa gipusil sa duha ka mga tawo sulod sa usa ka food park.

Matud ni Police Major Judith Besas, tigpamaba sa LCPO, nga subay sa SITG Quiros duna untay usa ka CCTV camera nga nigana o active nga CCTV apan wala naka focus sa dalan.

“Katong uban defective. Naa daw usa ka CCTV nga functional pero dili siya focus sa dalan, naka focus siya atbang sa police station,” matod ni Besas.

Dugang ni Besas nga ang usa sa mga lakang karon nga himuon sa SITG mao ang pagsuta kinsa nga saksi ang ilang makuha aron maoy mopalig-on sa pagtumbok sa mamumuno.

“So sa pagkakaron account sa sila sa mga witnesses ang sa SITG joint session mana sa mga units nga composed sa SITG,”dugang ni Besas.