ADUNA nay mga espisyalista nga doktor sa Lapu-Lapu City Hospital ang moatiman sa mga pasyente.

Usa ka grupo sa mga doctor sa Sugbo mo-abag sa Oponganons pinaagi sa pagpaambit sa ilang kahanas niadtong mga pasyente nga madangat sa maong city hospital.

Ang pundok sa Altering Medical Relief Original (AMRO) nga gipangulohan ni Dr. Wyben Briones inila nga neuro-surgeon sa Sugbo ang mipadayag sa ilang ka-andam nga mo-abag sa kagamhanan sa Lapu-Lapu pinaagi sa pagpa-ambit sa ilang kahibawo sa natad sa medisina.

Pipila sa mga sakop sa AMRO ang mi-courtesy call ni Mayor Junard Chan sa iyang buhatan sa city hall sa miaging semana.

Gihangop sa mayor ang maong tinguha ilabi na nga menos og mananambal nga maka-atiman sa mga pasyente sa naasoyng ospital.

Ilabi na nga gihulagway ang maong tambalanan nga nahisama sa transfer station, diin ipasa ang pasyente ilabi na niadtong adunay severe medical cases sa Vicente Sotto Memorial Medical Center.

“P1 a year lang ang ilang dawaton nga consultation fee, but ang professional fees nga para sa ilaha from PhilHealth ihatag lang gyud,” tipik sa pahibawo ni Lapu-Lapu City Mayor Junard Chan.

Ang siyudad nagplanong mopalabang og ordinansa aron bayran ang mga doktor.

“Non-salaried physicians (consultants) shall not charge additional professional fee to qualified NBB (no balance billing) members and dependents. They should be entided to the professional fee (PF) component of the case rate,” tipik sa sa PhilHealth Circular No. 2017-0017. (FVQ)