Balita

Mga kaso sa Covid sa nasod misulbong

Sunnexdesk

SULOD sa nagsunod nga lima ka mga adlaw, ang gidaghanon sa bag-ong mga coronavirus disease nga gitaho sa Department of Health (DOH) ningsaka, diin dul-an sa 2,000 ka mga kaso ang natala sa Sabado, Enero 9, 2021.

Base sa case bulletin sa Sabado, ang DOH nitaho og 1,952 ka mga kaso sa Covid-19.

Sukad sa Enero 5, ang gidaghanon sa mga kaso sa Covid-19 nisulbong gikan sa 937 ngadto sa 1,047 sa Enero 6; 1,353 sa Enero 7; ug 1,776 sa Enero 8.

Ang bag-ong mga kaso nidala sa kinatibuk-ang mga kaso sa nasod ngadto sa 485, 797.

Mga siyudad ug lalawigan nga dunay labing taas nga mga kaso mao ang Davao City (143), Quezon City (98), Rizal (80), Cavite (77), ug Bulacan (74).

Ang DOH nitaho usab sa kamatayon sa 34 ka mga tawo nga namatay sa Covid-19, nga nidala sa kinatibuk-ang nangamatay sa nasod ngadto sa 9,398 kun fatality rate nga 1.93 porsyento.

Nitala usab ang DOH og bag-ong recoveries nga 291, nga nidala sa kinatibuk-ang nangaalim ngadto sa 449,615 kun 92.6 porsyento.

Sa kinatibuk-ang mga kaso, 26, 784 kun 5.5 porsyento ang aktibong mga kaso.

Sa aktibong mga kaso, 83.2 porsyento ang mild nga kaso, 8.6 porsyento ang symptomatic, 5.1 porsyento ang mga kasong kritikal, 2.8 porsyento ang mas grabe, ug 0.47 ang moderate nga mga kaso. (HDT sa SunStar Philippines)

BONGBONG MARCOS FB PAGE

Labor slams zero dialogue with Marcos

Taiwan migrant worker offices on alert amid quakes

PMA calls on docs to maintain integrity, ethical practice 

Drought dries up Buhisan Dam

Garganera: WTE project still in progress