ANG Cebu City Government mihatag og tag 25 kilos nga bugas para sa mga musikero sa dakbayan kinsa wala pa makabalik sa ilang naandan nga trabaho pinaagi sa entertainment diha sa mga hotel, restaurant bar ug uban pang klase sa establisemento.

Si Mayor Edgardo Labella nagpasalamat kang Konsehal Niña Mabatid kinsa maoy nipalabang og resolusyon a konseho para maapilan og hatag ang maong sektor sa katilingban.

Ang mayor motukod og ad hoc committee nga pangulohan ni Mabatid para sa paghimo og pagtuon sa posibleng pagbalik sa music industry sa dakbayan diin mapatuman ug masunod gihapon ang mga lagda sa Inter Agency Task Force.

Ang mayor nitan-aw usab karon kon aduna pabay nahabilin nga pundo ang City Government sa posibleng paghatag kaniya og laing ayuda.

Si Marie Therese Rigor, kinsa usa sa beneficiaries, nagpasalamat kang Labella ug sa City Government gumikan sa ayuda nga gihatag ngadto kanila nga ilang gihulagway nga dakong tabang sa padayong pandemiya sa Covid-19.

Gibanabana nga 2,000 ka mga sakop sa musikero dinhi sa dakbayan sa Sugbo nga nawad-an og trabaho. (PAC)