LIBOAN ka mga Mandauehanon nga nabiktima sa sunog sa syudad gihatagan na sa ayuda gikan sa kagamahanan sa Mandaue Miyerkules, Septiyembre 18, 2019.

Makadawat og P10,000 ang home owners ug panimalay, samtang P5,000 ang madawat sa mga nag-abang o sharers.

Makadawat usab og P5,000 kadtong panimalay nga partially damaged.

Gipasabot sa City Social Welfare Services nga na-delay ang pag apud-apod tungod sa gihimong revalidation sa mga biktima tungod kay may mga nagpakaaron ingnon nga nasunogan ug miapil pagdawat sa ayuda gikan sa mga gobyerno ingon man sa mga non-government organization.

Gi-awhag ang mga nabiktima sa pagdala ug valid identification, Disaster Family Assessment Card (DFAC), Bureau of Fire Protection Certificate, ug Barangay Certificate.

Gilugwayan usab ang pag apud-apod kutob Septiyembre 27, 2019 ngadto sa City Treasurer's Office sa syudad. (ANV/Superbalita Cebu)