PALO, Leyte - Gipasakaan na og kaso sa Police Regional Office (PRO) 8 ang mga New Peoples Army (NPA) nga niatake sa Victoria Police Station sa Northern Samar.

Base sa report sa PRO 8, kapin kun kulang 90 ka NPA, ang gipasakaan og kaso.

Ang provincial prosecutor sa Allen, Northern Samar sa ilang resolusyon niadtong Hunyo 17, 2019, nakakita og probable cause nga pasakaan og kasong robbery with homicide ang mga mosunod;

Salvador Nordan alyas badok; Ciriaco Jerusalem; Aljon Cardenas; alyas kimander Duron; alyas Biboy; alyas Duyo; alyas Danny; alyas Taba; alyas Jell; alyas Cado ug laing kapin kun kulang 80 ka John Does.

Gawas sa robbery with homicide, napasakaan usab sila og kasong kalapasan sa Omnibus Election Code gumikan kay gunban niadtong tungora.

Hinuon dunay laing tulo nga gibuhian gumikan kay walay nakita nga probable cause.

“As we strongly condemn such violent attacks by these NPAs, I am grateful that justice will be served to all of us,” matod ni PRO8 Director Brigadier General Dionardo Carlos. (JKDP)