Molanat pa hangtod sa katapusan ning semanaha ang mga pag-uwan sa Sugbo, matod sa Philippine Atmospheric Geophysical Astronomical Services Administration (Pagasa) sa Hulyo 6, 2022.

Matod ni Jhomer Eclarino sa Pagasa-Mactan nga ang mga pag-uwan dala sa Inter Tropical Convergence Zone (ITCZ) kun panag-abot sa hangin gikan sa northern ug southern hemisphere.

“Makamugna kini og mga panganod, thunderstorm, pag-ulan,” matod niya sa usa ka chat, nga hayan mosangko sa flashflood ug landslide.

Siya nipahimangno sa publiko nga dunay mga higayon nga magbunok ang uwan.

Nibutyag si Eclarino nga kagahapon, Hulyo 6, nakatala sila og 11mm nga uwan, mas daghan itandi niadtong Martes. (REV, Amper Campaña)