Tulo ka pulis sa San Fernando Police Station nga gipasanginlang nanglugos sa usa ka babaye sud sa ilang buhatan nakapakitag og lig-on nga ebidensiya nga nagsalikway sa maong pasangil.

Base sa kuha sa CCTV video sa giingong oras nga nahitabo ang insidente miresponde sila og alarma niadtong tungora.

Aduna sab silay saksi niadtong higayona, mao ang mga traffic enforcer sa maong lungsod nga ilang gikakuyog atol sa pagresponde nga vehicular accident.

Sa sayo pa ang nagpa-ila nga biktima nangankon nga sa 8:00 sa gabii niadtong Sabado, Mayo 8, 2021 nahitabo ang paglugos kaniya sulod sa San Fernando Police Station.

“Mayrong CCTV yung station na magpapatunay na dinis-patch sila ni Major (Janus) Giangan ang kanilang chief of police at mayrong traffic incident that time na sinabi ng complainant at mayrong witnesses yung MDRRMO at tsaka yung DOH ng munisipyo, so nakakasama nila duon sa incident area,” pamahayag ni Police Colonel Engelbert Soriano, hepe sa kapulisan sa Probinsya sa Sugbo.

Una nang giparelibohan ang tulo ka mga pulis nga wala lang una panganli ni Soriano ug gipang-imbargohan sa ilang service firearms samtang gipa-ubos sa imbestigasyon mahitungod sa maong pasangil.

Nagtinguha karon ang maong mga pulis nga mosumbalik sa pagpasakag kaso batok sa maong reklamante apil na ang inahan niini.

“Naka-prepare na ang counter charge yung tatlo at suportahan din namin syempre kung talagang gawa-gawa yung reklamo sa kanila eh hindi naman namin pwedeng pabayaan yan,” dugang ni Soriano.

Sa gihimong imbestigasyon giingong adunay mental problem ang babayeng reklamante ug giingong adunay kiniy tambal nga gimentinar alang sa iyang sakit.

Samtang ang Women and Children Protection Desk (WCPD) sa Police Regional Office (PRO7) mopahiling sa maong babaye aron masuta unsay kahimtang sa iyang pangisip ug susihon usab kung tinuod ba nga nahilabtan kini. (AYB)