TRAINING alang sa mga sakop sa Electoral Board (EB) dinhi sa Sugbo nakabuwelo na niadtong Lunes (Marso 4) ug moluntad na kini hangtud sa Marso 27.

Sigun sa Cebu Provincial Comelec, di momenus sa otso mil ka mga EB members nga nagagikan sa nagkadaiyng lungsod ug siyudad ang kinahanglang ipaubos sa training.

Bansayon sila kalabot sa teknolohiya ug i-certify niini aron hingpit nga mamahimong kabahin sa EB.

“Under the law, one of the EBs should be an IT expert certified by DOST (Department of Science and Technology),” pasabot ni Jerome Brillantes, acting Cebu Provincial election supervisor.

Matod ni Brillantes, mahimong mapasakaan og election offense ang mga mo-backout sa pagserbisyo sa eleksiyon, ilabi na kung dili balido ang rason niini.

“When ma-train na sila, no time for them to backout except for emergency,” niingon si Brillantes. (AZLG)