Nibisita sa 8th Infantry Division sa Philippine Army sa Catbalogan City, Samar si Presidente Rodrigo Duterte, Miyerkules, Hunyo 19, 2019.

Gipakigkitaan ni Duterte ang samaran nga mga sundawo ug mga pamilya sa mga nangakalas atol sa engkwentro tali New People’s Army sa Calbiga, Samar niadtong Abril 23. Mitunol og tabang pinansyal ang Presidente sa mga samaran ug mga pamilya sa nakalas. Wa hinuon masayri tagpila ang gihatag nga hinabang ni Duterte. (JKDP)