KAPULISAN sa dakbayan sa Talisay nagpangita sa gikatahong mga tulisan sa mga jeep pasaheruan nga mag-agian diha sa highway sa Barangay San Isidro nga giingong nigara og panulis sa mga pasahero.

Nihingusog ang Talisay City Police Station sa ilang intelligence monitoring aron pag-ila ug pagsikop sa mga tulisan aron mapakgang.

Una na nga nipatawag si Talisay City mayor Gerald Anthony ‘Samsam’ Gullas kang Police Major Orlando Carag Jr., niadtong Myerkules, human siya nakabasa sa mga post sa mga Talisaynon kalabot sa usa ka tinun-an nga gitulis.

Giingon nga ikaupat na nga biktima ang maong tinun-an sa usa ka unibersidad sa syudad sa Sugbo. Giingong nanion og armas ang tulisan ug nibahad pa sa driver sa PUJ nga pamusilon ang mga pasahero.

Gawas niini, nakadawat usab og reklamo ang kapulisan gikan usab sa lain pa nga lugar sa Syudad.Naalarma na ang mayor mao nga dunay dugang police visibility. (FMD)