DRAYBER sa motorsiklo human nabanggaan sa pribadong sakyanan sa dihang giingong ni-counterflow kini sa N. Bacalso Ave., Mananga Bridge, Barangay Tabunoc, dakbayan sa Talisay, alas 1:40 sa gabii niadtong Sabado, Mayo 22.

Ang biktima mao si Brenard Racaza Abadilla, 27, taga Sambag St., Barangay langtang, Talisay, nga nagmaneho sa motorsiklo nga Honda.

Ang nakabangga kaniya mao ang Mitsubishi Montero Sport G Wagon ug gimaniho ni Dianne September Verdeflor Indino, 38, ug taga Tierra Grande sa Camella Homes, Lawaan I, Talisay.

Ang kapulisan sa Talisay nakadawat og taho bahin sa panagbangga ug dali silang nirespondi sa alarma.

Sa ilang pasiunang imbestigasyon, nasuta nga ang duha ka sakyanang nagdagan sa managlahing direksiyon.

Ang Montero paingon sa habagatang bahin samtang ang motorsiklo paingon sa dakbayan sa Sugbo.

Apan paghiabot sa naasoy nga lugar, dugang sa kapulisan, ni-counterflow ang motrosiklo hinungdan nga nagkasugat sa laing sakyanan nga niresulta sa pagkalamba sa motorsiklo ug pagkaangol sa drayber.

Daling nirespondi ang personnel sa Talisay City EMS (Emergency Medical Services) ug gidala sa Talisay City District Hospital si Racaza apan nakabsan kini sa iyang kinabuhi.

Samtang ang drayber a iyang gikabangga nitahan ra usab sa kaugalingon ngadto sa kapulisan.