Lalaking helper nakulatahan kay nipakita sa dirty finger ngadto sa iyang mga silingan ala 1:30 sa hapon Huwebes sa Sitio Danao 1, Brgy. Valencia, dakbayan sa Carcar.

Nalandig sa tambalanan ang biktimang giila nga si Harrison Abapo Abendan, 27, ulitawo, nagpuyo sa nahisgutang lugar, tungod sa mga samad sa ulo, tuhod ug nabun-og ang kalawasan.

Nasikop usab sila si Jason Berallo Navarro, 19; ig-agaw nga si Meljhon Bacalso Lapinid, 19, ug amahan nga si Francisco Bacus Lapinid, 47, construction worker.

Si Police Lt. Col. Ardioleto Cabagnot, hepe sa Carcar Police Station nga nahinabi sa Superbalita Cebu, nagkanayon nga sila si Abendan ug mga suspek dugay nang nagkabangi sa isyu sa ilang luna sa yuta ug hatudhatud og estorya.

“Nasuko Si Francisco Lapinid, kay nagfuck you fuck you daw niya ang biktima. Sa kalagot ilang gisulong sa tindahan,” dugang ni Cabagnot.

Ang tulo ka mga suspek niadto sa tindahan diin nagtrabaho si Abendan, gikomprontase siya ni Francisco ug nahitabo ang rambol.