ANAK sa tag-iya sa usa ka apartment nga naa nahimutang sa Katipunan Extension sa Barangay Tisa sa siyudad sa Sugbo ang giingong miambak sa ikaduhang andana sa ilang panimay pasado alas 4:00 kagahapon sa kaadlawon.

Wala pa makuhai sa iyang pangalan ang biktima sanglit anaa pa kini sa usa ka pribadong tambalanan nga giatiman pa sa mga mananambal.

Ang kapitan sa Tisa nga si Philip Zafra nagdumili una pa butyag sa bansagon sa biktima samtang anaa pa ang pamilya sa kakuyaw sud sa ospital sa dakbayan.

Ila pa usab nga ipasubay kung miambak ba kini sa ikaduhang andana o na disgrasya ba kini nga maoy hinungdan nga natagak.

“Dili lang sa nato nganlan kay ato lang sa irespeto ang ilang privacy kay in due time atoa ra ning masuta ang kinatibok-ang hinungdan,” matod ni Zafra.

Ang Punta Princesa police station wala makadawat sa alarma labot sa pagkahulog sa usa ka babaye.

Nimando karon ang hepe sa Punta Princesa nga mohimo una silag imbestigasyon kung unsa kini ka tinuod sanglit wala man sila pahibaw-a.

Dugang kapitan Zafra nga human sa insidente dali ra nga naabot ang mga ambulansya nga maoy midala sa labing duol nga tambalanan alang sa dinaliang pag-atiman sa pasyente. AYB