BARANGAY konsehal nga nanagat nilangoy og 24 oras sa lawod sa Tañon Strait pauli sa ilang dapit sa lungsod sa Tabuelan, ala 1:00 sa kaadlawon niadtong Martes, Enero 25.

Unang gikataho nga missing sa Lunes, Enero 24, alas 10 sa buntag mao si Roberto Obenza Oca, 49, minyo, taga Barangay Maravilla sa Tabuelan.

Nitaho sa kapulisan ang pamilya ni Oca niadtong Lunes sa buntag nga missing kini.

Nakuyawan ang pamilya kay gipahibalo nga ang pumpboat nakit-ang midunggo sa alas 10:00 sa buntag sa Lunes sa Barangay Tabunok.

Taliwala sa kabalaka sa pamilya, si Oca niabot pagka ala 1:00 sa kaadlawon sa Martes sa baybayon Maravilla.

“Gikaloy-an sa Ginoo, sir, ampo lang gyud siya tiaw muna iyang gilangoy tungatungang sa Negros ug Cebu.." matod ni Police Staff Sgt. Marlon Montesclaros sa Tabuelan Police Station.

Si Oca nahug sa pumpboat dihang nag-ayo sa katig nga nabali.