MGA kauban ug higala ni Arnold Albano, 33, habalhabal driver nga gipusil patay niadtong Enero 7, 2020 sa Basak San Nicolas, Cebu City naglibog.

Wa silay nahunahunaan nga kaaway niini.

Matod sa presidente sa mga habalhabal driver nga si Frumencio Dinupol, upat sila nga nagtupad sa lugar diin nagtalikod ug nagpapilit si Albano sa lista sa mga miyembro sa grupo sa dihang gipusil patay sa wa pa mailhing mamumuno.

Suma sa mga kaubang habalhabal drivers ni Albano, wa sila kahibawo kon unsay motibo tungod sa kadugay na niining habalhabal driver. (Mae Fhel Gom-os, USJ-R Journ Intern )