NAMATAY diha-diha ang usa ka lalakeng nagmotorsiklo human pusila sa duha ka mga tawo nga nagmotorsiklo sa lungsod sa Compostela, amihanang Sugbo sa buntag sa Miyerkules, Nobiyembre 6.

Si Police Captain Ian Macatangay, hepe sa Compostela police nga nahinabi sa Superbalita Cebu, niila sa namatay nga si Virgilio Pena Diocampo, lumad nga taga lungsod sa Carmen apan nagpuyo sa Barangay Lahug, Dakbayan sa Sugbo.

Matod ni Macatangay nga sa inisyal nila nga imbestigasyon sa iyang mga sakop, si Diocampo padulong sa siyudad sa Sugbo dihang gisundan sa lima ka mga tawo nga nag-angkasay sa duha ka mga motorsiklo.

Usa sa duha ka mga motorsiklo way plate number ug pulos sila naka helmet.

Giingong usa sa mga killer nga nag-angkas sa motorsiklo nipaduol kang Diocampo ug nipusil niya.

Way nakahibawo kon asa nipaingon ang mga killer tungod kay kasagaran nga nahinabi sa iyang imbestigador didto nakatan-aw sa biktima.

Nakaangkon si Diocampo og ubay-ubay nga samad pinusilan sa lawas ug ulo nga miresulta sa hinanaling kamatayon.

Ang kapulisan sa Compostela wa pa makaestablisar sa motibo sa pagpatay sa biktima.