UNOM ka mga tawo nasikop sa mga sakop sa Parian police station atol sa buy bust operation sa sitio Riverside, Barangay Lorega San Miguel, syudad sa Sugbo kagahapon sa kaadlawon.

Ang mga nangadakpan nakuhaan og mga pinakete sa illegal nga drugas giila nga silang Crisreb Chavez, 26; Sarah Rafols, 47; Phillip Bregente, 35; Randy Carson, 43;, Jopit Casas, 25; ug Cargie Villaceran, 31, pulos taga sitio Riverside, Barangay Lorega San Miguel.

Matod ni Chief Insp. Keneth Paul Albotra, hepe sa Parian police station, nga Human nila masikop ang unom, dunay nanawag sa ilang buhatan nga mobayad og dakong kantidad bugti sa pagbuhi sa usa ilang mga dinakpan.

Tungod niini, nihimo dayon sila og entrapment operation pasado alas 6 kagahapon sa buntag nga miresulta sa pagkasikop ni Yvonne Lyra Drandea Ho. (AYB)