GIKOMPIRMAR ni P/Master Sgt. (MSG) Mary Jean Legara sa Pusok Police Station nga wala’y foul play ang kamatayon sa negosyanteng si Roland DigamonTacgos nga nagpusil sa kaugalingon sulod sa iyang sakyanan sa Marcelo Fernan Bridge kaniadtong Martes, Hulyo 9,2019.

Sa wala pa ang maong insidente,si Tacgos gikatahong nakautang sa iyang higala og P100,000 aron ipanugal sa casino apan napildi kini.

Nasuta usab sa imbestigasyon sa kapulisan nga sa makadaghan na misuway pag hikog si Tacgos apan kanunay napakyas.

Gipanag-iya ni Tacgos ang Goldy Joro Lending Corp, nga gikatahong ipasirado kini ungod sa di maayong dagan.

Ang paghikog nakapatrapik sa taytayan sa taytayan, labina nianang buntag.

Matod pa ni PMSG Legara, imbestigador sa kaso, nga si Tacgos dugay rang naulipon sa sugal ug dako kini og pildi.

Kaniadto magsige og adto sa buwangan ug sa miaging mga adlaw, sa casino kini niadto.

Way duda ang kapulisan nga problema nga pinansyal ang hinungdan sa paghikog niini

Sa iyang suicide note, iyang giawhag si Presidente Rodrigo Duterte sa pagpaimbestigar sa iyang pamilya. Iya usab nga gimahayan ang iyang pamilya (Mier Claire Jamisola, CNU - Comm. Intern)