USA ka Norwegian national gireklamo sa 15-anyos nga dalagita nga nilugos kaniya sulod sa usa ka beach resort sa Barangay Tungkop, Minglanilla niadtong Dominggo, Hunyo 23.

Ang suspek nga si Finn Bakkeberg, 49, gidakop sa kapulisan sa Minglanilla. Si Bakkeberg ulitawo ug nagpuyo sa Barangay Punta Prinsesa sa dakbayan sa Sugbo.

Ang 15-anyos taga Barangay Tisa, dakbayan sa Sugbo, maoy nitawag sa kapulisan sa Minglanilla.

Si Staff Sgt. Jorge Capales sa Minglanila police niingon nga ang 15-anyos nga babaye niasoy nga gilugos siya sa usa ka pension house sa Punta Prinsesa niadtong Biyernes, Hunyo 21.

Ang langyaw nihimakak sa akusasyon ug niingon nga dunay silay relasyon. (GPL)