ORMOC City, Leyte – Aprobado na ni Ormoc City Mayor Richard Gomez ang annual budget sa 2020, nga mas dako itandi sa 2019 annual budget.

Base sa ordinance number 001 series of 2020, giaprobahan sa Siyudad ang 2020 total budget nga P1,621,742,199.

Mas dako kini itandi sa miaging tuig nga P1,458,640,318.

Base sa source of fund sa 2020 annual budget, misaka ang Internal Revenue Allotment (IRA) nga gikan sa P1,087,392,318 sa miaging tuig, niabot na karon og P1,234,499,049.

Sa local sources, gikan sa P256,748,000 sa miaging tuig, niabot na kini og P268,843,150. Sa economic enterprises, gikan sa P101,500,000 sa miaging tuig, nisaka kini sa P105,400,000. Samtang ang share from national wealth, nagpabilin nga P9,000,000 ug P4,000,000 sa ubang sources.

Base sa record, 46 porsyento o P751,498,268 sa total budget maadto sa general public services; 21 porsyento o P333,331,078 para sa non-office services; 17 porsyento o P283,382,255 para sa social services; 9 porsyento o P148,150,628 maadto sa economic services ug 7 porsyento o P105,400,000 maadto sa local economic enterprises. (JKDP)